देश-विदेश

कणीस भाजून खाताना झोपडी पेटली; सहा बालकांचा होरपळून मृत्यू

बिहारमधील दुर्दैवी घटना; एक ठिणगी ठरली जीवघेणी

पाटणा : एक छोटीशी चूक जिवावर बेतू शकते. बिहारमध्ये मोठ्या माणसांची नजर चुकवून घरात कणीस भाजून खाणे लहान चिमुकल्यांच्या अक्षरश: जीवावर बेतले आहे. कारण कणीस भाजून खाताना उडालेल्या ठिणगीने ते थांबलेली काड्यांची झोपडी क्षणार्धात पेटली. त्यातून बाहेर पडण्याची संधीही न मिळाल्याने सहा बालकांचा अक्षरश: हेरपळून मृत्यू झाल्याची हृदयद्रावक घटना बिहारमध्ये घडली आहे.
बिहारमधील अररिया जिल्ह्यात पलासी क्षेत्रातील कबैय्या गावात एका कुटंबातील भावा-बहिणीसह काही मुले झोपडीत कणीस भाजून खात होते. मोठ्यांना सांगितले तर ते रागावतील,कणीस भाजू देणार नाहीत म्हणून त्यांनी दार लावून कणीस भाजणे सुरू केले. पण कणीस भाजताना ठिणगी उडाली व ती झोपडीच्या कुडावर पडली. क्षणार्धात झोपडी पेटली व त्या मुलांना बाहरे पडण्याची संधीही मिळाली नाही. मुलाची आरडाओरड व आग भडकलेली पाहून ग्रामस्थ मदतीला धावले. पण सहा मुलांचा बळी घेऊनच आग शांत झाली. ही सर्व मुले तीन ते सहा वर्षे वयोगटातील आहेत. या घटनेने गावावर शोककळा पसरली आहे.

 
 

Related Articles

Leave a Reply

Your email address will not be published.

Back to top button
error: बुलडाणा लाइव्हवरून मजकूर, फोटो कॉपी करण्यास सक्त मनाई आहे. असे करताना आढळल्यास लाइव्ह ग्रुप आणि सा. भालाफेककडून कायदेशीर कारवाई केली जाईल.
Close
%d bloggers like this: