बुलडाणा (घाटावर)

जुलैचा लोकशाही दिन होणार ई लोकशाही दिन; मोबाइल क्रमांक 7249093265 वर ऑनलाइन करा तक्रारी

बुलडाणा (बुलडाणा लाइव्‍ह वृत्तसेवा) ः प्रत्येक महिन्याच्या पहिल्या सोमवारी जिल्हास्तरीय लोकशाही दिनाचे आयोजन जिल्हाधिकारी कार्यालयात करण्यात येते. या दिवशी जिल्हाधिकारी व इतर शासकीय अधिकारी हे नागरिकांच्या तक्रारींचे निरसन करतात. सोमवारला शासकीय सुटी असल्यास पुढील दिवशी मंगळवारला हा दिन घेण्यात येतो. मात्र सध्या कोरोना संसर्गाच्या पार्श्वभूमी व नियमित बस सेवा नसल्यामुळे जुलैचा लोकशाही दिन ई- लोकशाही दिन पद्धतीने करण्यात येणार आहे. 5 जुलै रोजी दुपारी 1 वाजता लोकशाही दिनाचे आयोजन करण्यात आले आहे.

लोकशाही दिनी तक्रारदारांनी ऑनलाईन पद्धतीने 7249093265 या मोबाईल क्रमांकावर तक्रारी कराव्यात. तक्रारदारांना लोकशाही दिनाला स्वत: उपस्थित राहण्याची आवश्यकता नाही. तक्रारदारांनी दिलेल्या व्हॉट्सॲप क्रमांकावर व्हिडिओ कॉल करून संपर्क साधण्यात येणार आहे. तक्रारदाराने या मोबाईल व्हॉट्सॲप क्रमाकांचे त्याकाळात इंटरनेट सुरू असण्याची खातरजमा करायची आहे. तालुका स्तरावरील लोकशाही दिनानंतर 1 महिन्याने जिल्हाधिकारी कार्यालयातील लोकशाही दिनात अर्ज करता येतो. तसेच तक्रारदारांबरोबर त्रयस्थाने येऊ नये. अर्जदाराने एका अर्जात एकच तक्रार सादर करावी. एकापेक्षा जास्त तक्रारी असलेला अर्ज स्वीकारला जाणार नाही.

तक्रार, निवेदन वैयक्तिक स्वरुपाची असावी. त्याचप्रमाणे न्यायप्रविष्ठ प्रकरणे, राजस्व- अपिल, सेवा व आस्थापना विषयक बाबी, विहित नमुन्यात नसलेले तसेच आवश्यक त्‍या कागदपत्रांच्या प्रती न जोडलेले अर्ज, विविध न्यायालयांत, प्राधिकाऱ्यांकडील, लोकआयुक्त यांच्याकडे प्रलंबित असलेल्या प्रकरणांच्या तक्रारी स्विकारल्या जाणार नाहीत, असे अर्ज संबंधित विभागाकडे आवश्यक कार्यवाहीसाठी 8 दिवसांत पाठविण्यात येतील. त्याची एक प्रत अर्जदारास पाठविण्यात येईल, असे जिल्हाधिकारी नी कळविले आहे.

Related Articles

Back to top button
error: बुलडाणा लाइव्हवरून मजकूर, फोटो कॉपी करण्यास सक्त मनाई आहे. असे करताना आढळल्यास लाइव्ह ग्रुप आणि सा. भालाफेककडून कायदेशीर कारवाई केली जाईल.
Close
Close
%d bloggers like this: